САЛЫҚ РЕФОРМАСЫ 2026:
ЕҢБЕКАҚЫ ТӨЛЕУ ҚОРЫНА ТҮСЕТІН ЖҮКТЕМЕНІ АЗАЙТУ

тақырыбында өтетін Atameken Business FORUM іс-шарасына қатысуға шақырамыз

Форум аясында салық саясатының негізгі аспектілері, жүргізіліп жатқан реформалардың іскерлік ортаға әсері жан-жақты талқыланып, сонымен қатар еңбекақы төлеу қорына түсер жүктемені азайтуға бағытталған практикалық ұсыныстар әзірленеді.

Бизнес пен кәсіби бірлестіктер өкілдерінің, заңгерлердің қатысуымен өтетін Дөңгелек үстел форум аясында өтетін негізгі іс-шара болмақ.

Форум аясында қарастырылған шаралар

Танысу және нетворкинг

Қатысушылар іс-шараға сағат 09:30-дан бастап жиналып, бір-бірімен танысып, кофе-брейк форматында бейресми түрде пікір алмасады, сондай-ақ өзара байланыс орнатуға және форумның негізгі бөлімі басталғанға дейін күн тәртібіндегі өзекті мәселелерді талқылауға мүмкіндік алады.

Сарапшылардың баяндамасы

Сағат 10:00-ден бастап сарапшылар іс-шара қатысушылары алдында баяндама жасайды. Спикерлер салық реформасының еңбекақы төлеу қорына және жалпы бизнеске тигізер әсеріне қатысты көзқарастарын, практикалық тәжірибе мен аналитикалық мәліметтерді ортаға салады.

Талқы және диалог

Сарапшылардың баяндамасы аяқталғаннан кейін дөңгелек үстел форматында ашық пікірталас өтеді. Қатысушылар спикерлерге сауалдарын қойып, бизнес өкілдерінің ұстанымын жеткізіп, ұтымды шешімдер мен ұсыныстарды талқыға салады.